დღესდღეობით
რუისი დიდი და ძლიერი სოფელია, სტუმართმოყვარე და თბილი ხალხით. აქ სამი საჯარო სკოლა ფუნქციონირებს. ის
რუის-ურბნისის ეპარქიის შემადგენლობაში შედის რომელსაც მიტროპოლიტი იობი (აქიაშვილი)
ხელმძღვანელობს. რუისში მრავალი ტაძარია, უმრავლესობა მოქმედი. ბოლო წლების განმავლობაში
აღდგა და რესტავრაცია ჩაუტარდა ბევრ ტაძარს, რომლებიც ძალიან იყო დაზიანებული.
მე
მეამაყება, რომ ამ დიდი ისტორიული სოფლის შვილი ვარ. ეს ის ადგილია, სადაც გადაწყდა
ჩვენი ქვეყნის ბედი ყველაზე კრიტიკულ მომენტში საქართველოს საკეთილდღეოდ. დავით აღმაშენებელმა
რუის-ურბნისიდან დაუდო საფუძველი საქართველოს სწორი გზით სვლას.
მე მჯერა, რომ ჩემი სოფელი არ
დაკარგავს ძველ დიდებას და რუისელები კვლავაც დადგებიან ღვთისა და ერის დასაცავად სამშობლოს
გვერდით, ძალ-ღონეს არ დაზოგავენ და იბრძოლებენ ძველებურად-თავდავიწყებით, ისევე როგორც
დიდგორში, შამქორში, ბასიანში...ბრძენთ უთქვამთ: „წმინდაა იგი ვისაც ეღირსა მამულისათვის
თავის დადება“.
No comments:
Post a Comment